Afgeloeëpe vrejdag, 11-11, was ut zówiet, nao veule spetterende optreejes ti-jdens “Wie zet Wanssum op de kaart”, kwaam achter ut valdoek de Prins van de Wiendbuul 2017 naor veur.

Prins Peter II

Peter II Zegers is de aldste zoeën (49) van Zegers Piet en Netje van Hoof. Peter wont al ruum 23 jaor same mit Yvonne Zegers ien de Houskuulstraot, is beejnoa net zoe lang getrouwd en same hebbe ze 3 kiender,  dochter Danique (19), dochter Kyra (17) en zoeën Jari (15). Ien ut dágeleks lève werkt Peter ien ut speciaal onderwies as bòveschols directielid en as direkteur van de VSO-lokasie ien Eindhoven en Roermond. Verder is Peter al jaore lid van bowlingverieëniging Venroj, was heej 26 jaor bestuurder van KVW en is nou actief as sikretaris van de dörpsraod.

Same mit zien Adjudante Stephan Engels, Gerco Vousten en nar Henk Jenniskens zal heej dit jaor veurop gaon en d’r alles án doen um d’r same mit de Wiendbuule enne schitterende jubileum-carnaval van te make.

Prins Peter II zien lijfspreuk zal zien:

Gèn schol, gèn koôkclub, gèn dörpsraod, efkes nie liere,

Weej gaon dit jubileumjaor mit z’n alle carnaval viere

Alaaf

Prins Peter II nimt de scepter óver van Prins Tom I (Rambags). Án zien regierperiode kwaam afgeloeëpe vrejdag un eind. Tom het ut, same mit zien Prinses Loes, Adjudante Ralf Rambags, Robin Kömhoff en Nar Emiel Jans, perfect gedaon. Zeej hebbe d’r volop van genote, zoeëas dit ok huurt.

Tom I en zien gevolg, names C.V. de Wiendbuul

BEDANKT!!!!